Novas

6 DE ABRIL: CHARLA DA CONSELLERIA DE SANIDADE

O pasado 13 de Abril, a Consellería de Sanidade, con motivo do concurso "Clases sen fume" dirixiu unha charla sobre o tabaquismo: problemas, composición, evolución da publicidade, métodos de engaño, etc.

Ao remate os alumnos puideron comprobar a través das coxometrías o seu nivel de monóxido de carbono.



8 DE MARZO: DÍA INTERNACIONAL DA MULLER

Cada 8 de marzo conmemórase a loita das mulleres pola súa participación na sociedade e por conseguir o seu desenvolvemento íntegro! O longo da historia moitas mulleres tiveron que superar obstáculos para acadar os mesmos dereitos que os homes, e aínda hoxe en día, en moitos países distan moito de estar equiparadas a eles.

Con motivo desta conmemoración, Noelia Varela e Raquel Montes, do Proxecto Ciencia Activa- Padre Feijoo-Zorelle cóntannos neste podcast a presencia das mulleres na ciencia ao longo da historia. 
Non deixedes de escoitalo. Feliz día!

30 DE XANEIRO: DÍA ESCOLAR DA NON VIOLENCIA E DA PAZ

Desde 1964, para conmemorar a morte de Gandhi, celébrase o 30 de xaneiro o: 
Día Escolar da Non Violencia e da Paz, recoñecido pola UNESCO en 1993.Nesta data recórdase a necesidade da educación para a tolerancia, a solidaridade, o respeto aos dereitos humanos, a non-violencia e a paz.

O lema deste día é:

'amor universal, non-violencia e paz. O amor universal é mellor que o egoísmo, a no-violencia é melor que a violencia e a paz é mellor que a guerra'.

Para conmemorar este día, os nenos de infantil e primaria formaron un gran símbolo humano.

¡Feliz día a todos!

26 DE XANEIRO: DÍA MUNDIAL DA EDUCACIÓN MEDIOAMBIENTAL

Desde o ano 1975 cada 26 de xaneiro celébrase o Día Mundial da Educación Medioambiental. A Educación Ambiental é un proceso dinámico e participativo, que busca espertar na poboación unha conciencia que lle permita identificarse coa problemática ambiental a nivel mundial e tamén a nivel específico no entorno no que vivimos.

Obxectivos da Educación Ambiental:

• Tomar conciencia sobre os problemas do medio ambiente.
• Adquirir coñecementos básicos do medio ambiente e da función da humanidade nel.
• Desenvolver actitudes para adquirir valores sociais e de profundo interese por o medio ambiente.
• Desenvolver aptitudes para adquirir habilidades para resolver problemas ambientais.
• Activar a capacidade de avaliación das medidas e programas de educación ambiental en función dos factores ecolóxicos, sociais, educativos.
• Promover a participación das persoas e grupos sociais no desenvolvemento do sentido de responsabilidade e tomar conciencia dos problemas ambientais.

XORNADAS DE NUTRICIÓN NA PRENSA

O xornal escolar de La Región fíxose eco do obradoiro de cociña saudable organizado pola Concellería de educación no que participaron alumnos da ESO e bacharelato do centro. 

Aproveitamos para agradecer á concellería de educación a organización destas xornadas, que axudan a promover hábitos de vida saudables entre os adolescentes.

Podes ler a noticia en formato electrónico facendo clic AQUÍ.

1 DE DECEMBRO: DÍA MUNDIAL DA LOITA CONTRA O SIDA

Dende 1988, cada 1 de decembro conmemórase O Día Internacional da Acción contra a Sida para dar a coñecer os avances contra a pandemia de VIH/sida causada pola extensión da infección do VIH.

Se queres saber máis visita a páxina web da OMS e o blog de inglés.

22 DE NOVEMBRO: DÍA DA MÚSICA

A música é unha das linguaxes máis universais, capaz de transmitir todo tipo de emocións e de sentimentos. Conscientes da importancia que a música ten á hora de levar unha vida saudable e plena, os alumnos de primaria e secundaria celebraron o día da música entre instrumentos, cancións e pezas musicais.

Os alumnos do proxecto CIENCIA ACTIVA cóntannos neste podcast os beneficios da música para o desenvolvemento integrar da persoa:

20 DE NOVEMBRO: DÍA MUNDIAL DO NENO

Hoxe, 20 de novembro, celébrase o Día mundial do neno, unha data consagrada á fraternidade e á comprensión entre os nenos do mundo e destinada a actividades para a promoción do benestar e dos dereitos do neno.

En breve publicaremos na diferentes seccións deste blog, actividades levadas a cabo no centro para celebrar esta data tan sinalada.

Para saber máis, visita á páxina da ONU facendo clic AQUÍ.

16 DE NOVEMBRO: DÍA INTERNACIONAL PARA A TOLERANCIA

O 16 de Novembro de 1995 os países membros da UNESCO adoptaron a Declaración de Principios para a Tolerancia . Un ano despois , a Asamblea Xeral invitou aos Estados membros a que cada 16 de Novembro se celebrase o Día Internacional para a Tolerancia

A tolerancia é a base máis firme da paz e da reconciliación, podemos fomentala coa comprensión e o respecto entre culturas dende as escolas ata os gobernos.

A tolerancia apréndese, non só é saber convivir senón tamén poder resolver conflictos mediante o diálogo, sempre cunha actitude asertiva.

Con motivo desta conmemoración, os alumnos do proxecto Ciencia Activa entrevistaron á orientadora do centro, María José Otero, quen explicoulles a importancia deste valor para a convivencia. 

Podes escoitar a entrevista a continuación:

11 DE NOVEMBRO: O MAGOSTO E AS CASTAÑAS

Como é ben sabido, cada 11 de novembro celebráse o Día de San Martiño, patrono da nosa cidade. Os ourensáns celebramos unha das festas populares que máis nos caracterizan, o Magosto. Acendemos o lume en fogueiras ou fornos e asamos un dos regalos máis prezados do outono: a castaña.

Sabíades que as castañas, ademáis de estar boísimas, aportan moitos beneficios para a saúde. Se queres saber cales son ese beneficios, consulta a última entrada da sección de inglés neste blog facendo clic AQUÍ.

Tamén podes escoitar o podcast en inglés "Health benefits of chestnuts" a continuación:

31 DE OUTUBRO: HALLOWEEN E AS CABAZAS

A noite do 31 de outubro celebráse a festividade de orixe celta coñecida como Halloween ou Samaín, a véspera do día de Todos os Santos no calendario cristián e do Ano Novo no calendario celta. Como ben é sabido, un dos emblemas desta festividade é a cabaza tallada con forma de cabeza e cunha vela acendida, símbolo da vida. Pero...a parte de elemento simbólico, é a cabaza un alimento saudable?

A resposta é un claro SÍ!! 

Se queres saber cales son os beneficios da cabaza, visita a sección ENGLISH neste blog facendo clic AQUÍ.

16 DE OUTUBRO: DÍA MUNDIAL DA ALIMENTACIÓN

Hoxe é o Día Mundial da Alimentación, unha iniciativa da Organización das Nacións Unidas para a Alimentación e a Agricultura (FAO) cuxa finalidade é "concienciar aos pobos do mundo sobre o problemaalimentario mundial e fornecer a solidariedade na loita contra a fame, a desnutrición e a pobreza".

Para destacar a importancia deste día, os alumnos de 1º de BAC entrevistaron á coordinadora do programa de súade integral (SI) que estáse a levar a cabo no centro en educación infantil. A entrevista destaca a importancia de adquirir hábitos alimenticios saudables de forma responsable e sustentable.

Velaquí o audio da entrevista: